Mér hefur hingað til ekkert gengið voðalega vel að ná að sofa almennilega fyrir fyrri næturvaktina, reyni því að vaka aðeins lengur kvöldið áður, vakna snemma til að vekja strákana og verð þá nægilega sybbin til að geta lagt mig aaaaðeins fyrir vaktina.
Ég drakk 4,25 lítra af vatni í dag.

Svefn frá kl 0130-0710

Fastan
Kaffi með 1 tsk rjóma, kaffi með ½ tsk kókosolíu

Smelltu og finndu þitt bragð á Fitness Sport

 Klukkan 1000
½ mæliskeið nectar, blandað í 150 ml vatn, með 1 msk rjóma.
2 x omega3+D-vítamín

Klukkan 1240
Og enn er það hakkrétturinn góði sem fyllir magann í hádeginu :)
Gott að geta haft svona til að grípa í og hita upp þegar maður er að flýta sér :)
2 x husk töflur, 1 x multivítamín

 Klukkan 1800
Fór í keilu með vinnunni eftir starfsmannafund og við borðuðum á Fellini.
Ég fékk mér kjúklingasalat….kjúklingur, tómatar, rauðlaukur, parmesanostur
og bernaise !  Það átti að vera sesarsósa en hún var búin.

Lagði mig fyrir næturvakt frá ca 2030-2230

Kvöldsnarl
Kaffi með MCT olíu og kaka sem klúðraðist ;)
Fékk uppskrift hjá frænku minni sem henni fannst æði, kakan hennar varð mjúk og æðislega góð, og var fljótandi þegar hún setti hana í bollann fyrir eldun.
Það sem við gerðum misjafnt var að hún bræddi ekki kókosolíuna (ég gerði það) og hún notaði möndlumjólkina sem uppskriftin kallaði á.
Ég átti ekki svoleiðis til og notaði rjóma í staðinn.
Mitt „deig“ varð að klumpi og kakan……..well hún varð mjööööög skrítin í áferð, eins og sandur og það er áferð sem ég er ekki að fíla.  Líklegast eitthvað síðan ég át uppúr sandkassanum í leikskóla hahaha :)
Borðaði aðeins af henni samt…bragðið var ekki skelfilegt.
Set ekki inn uppskrift fyrr en ég næ henni rétt.