Hleðsla 4

ba33e0ef6322ffef4122af7da494188e

Var á hoppi í dag, næturvakt í nótt……fór heim og svaf frá ca 09-1315 og var mætt í vinnuna aftur kl 16

Fékk mér bara kaffi heima, og um kl 1630 startaði ég hleðslunni með litlum poka af blönduðum appolo lakkrís :)
Verandi í vinnunni á kvöldmatartíma þá fór ég í mötuneytið og hlóð veeeeel þar.
Indverskur kjúllaréttur með grjónum, og af salatbarnum fékk ég mér ananasbita og kartöflusalat !  Ohhh ég sakna kartaflna, þær eru svo góðar !
Jú og lítil nan-brauð með smjöri.

Fékk mér svo popp seinna um kvöldið og lauk þar með þessari hleðslu :)

Prótein í vatni fyrir svefn til að jafna blóðsykurinn.

Ég drakk 3 lítra af vatni í dag.

Hleðsla 3

10kg

Við hjónin sprengdum þennan múr í dag :) :)
10,1 kg farið hjá okkur samtals, hann -6,1 og ég -4 :)
Ekki það að það er ekki allt mælanlegt á vigtinni, alls ekki.
Vigtin mælir ekki hvað við sofum betur, vigtin mælir ekki betri líðan og meiri orku.
Vigtin mælir ekki betri húð (hann var með svakalegt exem á hnúunum sem er nánast horfið) og hún er ekki með hávaðamæli sem mælir minni hrotur hjá bóndanum ;)
Hún mælir ekki heldur minnkandi skapsveiflur ;)

Við förum sátt inní hleðsludag :)

Byrjaði hleðslu eins og vanalega á poppkexi með súkkulaðismjöri.
Við fengum okkur svo thai í kvöldmat
(litlar vorrúllur, djúpsteiktar rækjur, eggjanúðlur og hrísgrjón)
1 kókglas með matnum.
Stjörnumix gúmmí um kl 2130.

½ skeið strawberrie mousse nectar prótein í vatni fyrir svefn

Drakk 2 lítra af vatni í dag.

Hleðsla 2

2105922ab5faca4defdb1e40561c0100

Jæja, hleðsludagur 2 í dag.
Hann er degi fyrr en hann hefði átt að vera, ég er að fara í stórt tattoo og við ætlum að fara með strákana út að borða og í bíó í kvöld…..þá er nú skemmtilegra að geta fengið sér popp ;)
Frá síðustu hleðslu (14.04) er staðan svona:
12987182_10208232824991032_2912251977259042032_n

Svefn frá kl
2240-0620

 Fastan
2 x kaffi með rjóma

kl 0845
2 x ostaklattar með skinku-eggja-aspas salati

Ég fór í tattoo kl 11 og borðaði eftir það kl 15
1 skinku/ostarúllu og 1 ostaklatta með smjöri og osti

Svo var hleðsla eftir kl 17
Fékk með poppkex með súkkulaðismjöri til að starta henni.
Fórum svo með strákana á American Style og þar fékk ég mér ostborgara með frönskum og gosglas.  Borðaði ekki toppinn af brauðinu.
Svo um kvöldið fórum við í bíó og ég fékk mér gosglas, miðstærð af poppi sem ég kláraði ekki og lakkrísreimar sem ég kláraði ekki heldur.

Nectar prótein í vatni fyrir svefn.

Eftir hleðslu 6 færslan

Vinnuhleðsla…….annað skipti sem ég hleð í vinnunni.  Kosturinn……maður tekur bara með sér ákveðið magn og getur ekkert étið meira en það ;)
Gallinn…..það er ekki hægt að sofna af kolvetnasjokkinu sem maður á það til að fá :)

Hleðslan byrjaði um 1630, fékk mér þá 2 Bónus kleinuhringi.
Maulaði svo á lakkrísreimum og 1 x 25 gr Bugles poka.
Í matartímanum fór ég í mötuneytið og þar var bayonne skinka með kartöflugratíni, sósu, rauðkáli og ananashringjum.
Tók með mér Jólaöl og appelsín en drakk bara 1 ½ lítinn bolla af því og hellti rest.
Fékk mér svo popp og nokkrar súkkulaðirúsínur með dökku súkkulaði
seinna um kvöldið :)

Hleðslu lokið :)

Eftir hleðslu 5 færslan

Hvenær skyldi ég actually taka hleðslu eins og ég plana hana ?  Þessa helgina vorum við hjónin boðin í tvöfalt 35 ára afmæli og brúðkaupsveislu afmælishjónanna.
Þau giftu sig sko fyrir 6 árum síðan en héldu enga veislu þá, þannig að núna var komið að svakalegasta partýi ársins…..og þau bæði 35 ára á árinu.
Ég var búin að hlakka svoooo til, nýr kjóll og nýir skór og allt !
EN….lífið henti beini í hausinn á mér og það fast…..ég er ennþá lasin :(

Hleðslan átti ss að fara í vínarbrauð kl 4 til að starta þessu…..
alls konar smárétti í þeirra boði í matnum og svo áfengi ;)
Eiginmaðurinn fór að sjálfsgöðu, hann þurfti ekkert að hanga heima þó ég væri lasin, og ég var ekki að meika það að elda neitt, þannig að elsti sonurinn keypti borgara handa okkur í sjoppunni, með frönskum.
Þeir fóru í búðina áður en eiginmaðurinn fór, og ég bað hann um að kaupa SMÁ bland í poka og maxipopp.  Ég átti ennþá súkkulaðirúsínukassann og snakkpokann
síðan síðast muniði………

nammi 2012Þeir koma heim með STÆRRI poka heldur en ég keypti í græðginni sl hleðsludag !
Ég fékk mér smá nammi, og þá meina ég smá………einhver hlaup, nokkrar fílakaramellur, sterkan brjóstsykur, og einn mola sem ég spýtti útúr mér því hann var hroðbjóður.
Svo fór ég með alla skálina OG restina af nammipokanum inn til sonar míns og gaf honum.

Opnaði svo popppoka og fékk mér af því…..þarna var mér farið að líða pínu illa þannig að ég slakaði á poppinu.  Svo var ss borgarinn og franskar með tómatsósu, og ½ líter af kók í bauk í kvöldmatnum.  Ég gat ekki klárað borgarann en japlaði á frönskunum.
popcorn-close-up
Síðan síðar um kvöldið fékk ég mér meira popp……og hef klárað í
heildina annan pokann miðað við það sem var eftir í skálinni
þegar ég gaf syni mínum restina.
Rúsínukassinn og snakkpokinn ennþá óhreyfð uppí skáp.

Ég var samt dugleg í vatninu í gær, drakk 4,25 lítra og tók magnecium í gærkvöldi og nectar án rjóma fyrir svefninn.

Eftir hleðslu 4 færslan

Ég er komin með ógeð af sælgæti !
Þegar kemur að hleðslu, svona eins og í gær, þá langar mig í allan heiminn !
Þetta nammi og svona snakk og……og…….. !

Í gær vorum við synirnir í borginni.  Þurftum að flækjast á hina ýmsu staði, þar á meðal Kost (keypti þar 2 snakkpoka, súkkulaðirúsínukassa, stórann lakkrísreimapoka og Lindu buff sem var þó í eðlilegri stærð.)
Kringluna (fór þar í nammilandið í Hagkaup og ég held að pokinn hafi
verið rétt undir kílói !)
Frestaði hleðslunni um 2 tíma, kl 18 takk fyrir kærlega, þegar þeir voru búnir að skjóta af boga í Bogfimisetrinu, þá gleypti ég Lindu buffið næstum í einum bita.  Og já……..betra að hafa nammipokann nálægt.
Fórum svo á American Style og þar fékk ég mér þennan eðal borgara:
IMG_20141011_180906

Þessi var rooooooosalega góður, ég er ekki mikil bbq manneskja en þessi kom skemmtilega á óvart.  Ég myndi sýna ykkur mynd af diskinum……en græðgin var svakaleg, plús það að síminn minn var of batteríslítill til að meika myndavélina.

Þegar stælnum var lokið, þá var haldið heim á leið, og á brautinni (búum ss í Njarðvík) var nammipokinn opnaður og ég datt aðeins ofan í hann.
Þegar við komum heim var eiginmaðurinn ekki farinn að vinna þannig að hann stakk sér líka í nammipokann, ég fékk mér smá meira og svo stundi ég bara: Helltu úr pokanum í skál fyrir strákana…….og þeir hæstánægðir með þessa gjafmildi mömmu sinnar.

Opnaði annan snakkpokann, sem á þeim tíma sem ég las utan á hann, hljómaði rosalega girnilega.  Málið er nefnilega, að stundum er til í Kosti risa popppoki sem heitir Kettle corn…..það er með söltu og sætu bragði og mér finnst það svaaaaakalega gott.  Poppið var ekki til, annars hefði ég keypt það, EN þarna var snakkpoki sem stóð á Salty and sweet, og ég hugsaði vá, þetta getur ekki klikkað.
Shit hvað þetta voru slæm kaup !!  Mér fannst snakkið hroðbjóður !
Borðaði nú samt nokkrar (kannski 10 flögur) til að vera viss og svo bara lagði ég hann frá mér.  Þetta var EKKI að gera sig.  Þessum poka var hent.
Þá opnaði ég lakkrísreimarnar…….fékk mér 2 reimar.
Í pokanum úr Kosti er ss ennþá óopnaður snakkpoki, heill kassi af súkkulaðirúsínum og opinn lakkrísreimapoki…..

Á þessum tímapunkti var farið að flæða útum eyrun á mér af viðbjóði og ég gat ekki meir.
Þetta var ss um kl 2130 í gærkvöldi.
Of stutt hleðsla, eða of mikil græðgi og ógeðis……uuggghhhhh.
Gleymdi meira að segja að fá mér prótein fyrir svefninn, en fékk mér þó magnecium útí vatn og ég drakk 3 og ½ líter af vatni í gær.

Ég held ég sé búin að segja frá upphafi að næsta hleðsla verði ekki útötuð í sælgæti, en held ég geti sagt með vissu að sú næsta verður það ekki.  Við hjónin erum að fara í afmæli næsta laugardag og þá verður sko hlaðið með mat……..og vökvinn verður ekki vatn ;)

Þar til næst :)

Laugardagur 11. okt – HLEÐSLA

Ég virðist ætla að vera eitthvað jójó á vigtinni…….er í dag 200 gr þyngri en í síðustu viku.  Hef ekki drukkið undir 3 lítrum á dag, yfirleitt nær og jafnvel yfir 4 lítrum….hef ekki borðað neitt skyr þessa vikuna og enga gríska jógúrt.  Meltingarskilin hafa heldur ekki verið regluleg, þrátt fyrir trefjatöflur tvisvar á dag og eplaedik á morgnana.
Fékk þau ráð að hætta að taka magnecium með calcium og taka frekar magnecium citrat í duftformi.  Þannig að næsta vika fer í þá tilraunastarfsemi og sjá hverju það skilar :)
Það er vont að vera með svona ristilsvesen :/

Eiginmaðurinn fór niður um 1,7 kíló…..en hann svindlaði líka og fékk upp og niðurgangspest í vikunni ;)

Njótið hleðslunnar :)

Eftir hleðslu 3 færslan

Ég átti asnalega hleðslu í nótt fannst mér, mun pottþétt fresta bara um einn dag næst þegar hleðslan hittir á næturvakt.  Byrjaði hleðslu um kl 2200.
Ég ss fékk mér 2 pylsur með öllu hérna heima og 2 berrassaðar að narta í áður en ég fór að vinna.  Nappaði nokkrum brjóstsykrum frá syni mínum, og 2 bingókúlum.  Tók svo með mér lítill bugles poka sem ég átti, lítinn poka af tvix mix, toffee crisp, síríus súkkulaði með rúsínum og stjörnupopp !
tm2Maulaði á þessu fram að ca kl 0300, nema ég kláraði ekki poppið og fannst súkkulaðið vera farið að flæða útum eyrun á mér.
Svo restina af vaktinni var ég aaaaaaaaaaaaaaðððððððððððððððð sofna !!  Eða eins og elsti sonur minn orðaði það svo pent að ég hefði örugglega lent í sykurniðurfalli ! :)

Kom svo heim í morgun, fékk mér nectar í vatni án rjóma og fór að sofa.
Vaknaði kl 1400 og er að fara að vinna aftur og stórsé eftir að hafa ekki bara frestað hleðslunni þar til í dag á kvöldvaktinni.
Ekki þunn samt…….ekki ennþá amk :)

En er strax komin með drög að næstu hleðslu……..graflax með graflaxsósu skal sko verða etinn þá ;)

Laugardagur 4. okt – HLEÐSLA

scale2
Á laugardagsmorgnum er vigtin…..viðmiðið sem maður festist í að miða allt við.  Ég fór í mælingu í sl viku og mun gera það aftur eftir 3 vikur :)
Mín tala fór niður um 700 gr þessa vikuna og eiginmaðurinn stóð í stað frá síðustu vigtun.

Ég ákvað að fresta hleðslunni aðeins þar sem ég er á næturvakt.  Vildi ekki hlaða og mæta svo í vinnu og vera sloj…..Þannig að ég byrja hleðsluna um kl 22:30 áður en ég þarf að fara að vinna :)

Fastaði í morgun, fékk mér 1 kaffi, annan með rjóma og hinn með kókosolíu.
Fékk mér svo chia graut sem morgunmat (smjör, chia, rjómi, egg, kanill)
Hvítlaukspizzu sem síðbúinn hádegismat.
Lagði mig svo seinnipartinn fyrir vaktina, og borðaði ekkert fyrr en við hleðslu um kvöldið, var bara eitthvað lystarlaus.

Eftir hleðslu 2 færslan

Vitiði…..að eins og mig hlakkar til hleðslunnar, þá þegar líður á hana get ég ekki beðið eftir að henni ljúki !  Fyrsti molinn voðalega góður og sá næsti líka og eitthvað áleiðis ofan í nammipokann…..en svo verð ég bara dösuð og sloj.  Við hjónin vorum búin að ákveða að hegða okkur öðruvísi þessa hleðsluna heldur en hina…..nota meiri mat til að hlaða.
Það fór ekki alveg svo.
Á okkar heimili er það þannig að sá sem á afmæli ræður hvað er í matinn.  Elsti sonurinn varð 17 ára á fimmtudaginn og hann vildi fresta afmælismatnum fram að helgi svo við gætum líka fengið okkur (fallega hugsað hjá honum)
Þannig að í stað þess að hafa grillmatinn sem við vorum búin að plana, með bökuðum kartöflum og grjónum og allskonar, þá vildi hann beikonburger !

Hleðslan mín fór ss þannig fram að eftir vinnu fór ég í búðina og keypti bland í poka (til að ná insúlíninu hratt upp) og kleinuhring,  stakk mér ofan í nammipokann á leiðinni heim…..borðaði kleinuhringinn með kaffi og fékk mér aðeins meira nammi……
og sofnaði svo !
Steinrotaðist á sófanum í svona 1 ½ tíma !  Sykursjokk ?  Maður spyr sig ;)
IMG_20140927_195242
Þegar ég ranka við mér er eiginmaðurinn að grilla heimagerða burgera, alvöru flykki með cheddar osti ofan á og beikon og alls konar grænmeti.  Elsti sendur í sjoppuna eftir frönskum og svo var etið.  Ég fékk mér bara botninn af brauðinu, slatta af alls konar, franskar, tómatssósu og 1 kókglas.  Gat ekki klárað af disknum.

admit it
Hlammaði mér í sófann og fékk mér svo síðar um kvöldið 2 litla Bugles poka sem ég gleymdi að borða síðustu helgi
(keypti ss 4 trítla poka í Kosti sl helgi og gleymdi þeim…hver poki er 25 gr)

<———-Rétt upp hönd ef þú hefur einhvern tímann gert svona með bugles  :)

*  HÖND *

Kláraði svo það litla sem var eftir í nammipokanum
(þetta var ekki stór poki, svona miðað við hérna áður fyrr)
Fékk mér svo nectar protein (án rjóma) og magnecium fyrir svefn, lagðist útaf og stundi…..“Mikið rosalega er ég fegin að þetta er búið!“

Ég er ekki ennþá búin að fá mér poppið sem ég er búin að plana að borða síðan ég byrjaði hreinsunina, og ekki heldur pylsu með öllu !
Kannski næst ;)