Fyrsti dagur í fríi eftir vaktasyrpu og honum var eytt á flakki í höfuðborginni.  Það er alveg magnað hvað það getur þurrkað orkuna hjá manni út að flækjast frá A-B í Reykjavík, sérstaklega á föstudegi !
Ætla að soooooooofa á morgun, amk alveg þar til ég vakna hahaha :)
Það reyndi verulega á viljastyrkinn í kvöld.  Systir mín er í heimsókn, og unglingsdætur hennar….og þær voru allar með nammi og snakk í kvöld, og mig langaði nú soldið í.
EN……Á MORGUN !!!  Þá er minn tími :) :)

Svona var dagurinn:

Svefn frá 2350-0700

Milli klukkan 0700-1000
1 kaffibolli með smá rjóma

Klukkan 1040
1 vanillu skyr.is með rjóma

Klukkan 1300 (Grillhúsið Sprengisandi)
Lambakjöt með bernaise, og fersku salati
(það var með dressingu á sem ég fann út að var með sykri í
þannig að ég borðaði bara smá salat)
CLA, omega3+D-vit, multivit.

Klukkan 1800 (American Style)
Beikonborgari með eggi, salat til hliðar.
Ekkert brauð, engar franskar.

Kvöld…..
3 heimagerðir nammimolar
10 gr kókosolía

Ég get svo svarið fyrir það að ég er að lifa af hreinsunina !  Dagur 8 skollinn á og hleðsla alveg bráðum :)  Ég hlakka svakalega til, en kvíði því líka pínu….hvort ég eigi eftir að missa mig algjörlega í eitthvað jukk og hvernig ég á eftir að upplifa mig eftir það.  Þess vegna ætla ég bara að nota tímann fram að laugardeginum í að plana hverju ég ætla að hlaða með :)
lærði í dag að MCT olían sem ég er búin að vera að setja í 1. kaffibollann á alls ekki að vera þar, er of fljótvirk inní kerfið og á þar af leiðandi ekki leið með cortisolinu sem við erum að forðast með því að borða ekki fyrstu 2-3 tímana eftir að vakna.  Þarf að setja hana inn seinna að deginum :)
Seinni dagvakt í vinnunni og framundan 5 daga frí :)

Í dag leit þetta svona út:

Svefn frá klukkan 2230-0645
(gleymdi að taka magnecium fyrir svefn)

Frá klukkan 0700-1200
2 kaffibollar, 1 með tsk af MCT olíu og hinn með smá rjóma.
1 brúsi vatn (800 ml)

Klukkan 1030
½ lítil vanillu skyr.is, 1 msk rjómi

Frá klukkan 1200-1900
1 kaffi með smá rjóma, 1 brúsi vatn (800 ml)+500 ml

Klukkan 1220
Örlítið breytt útgáfa af þessu kjúklingasalati, ég átti ekki avocado og setti sítrónupipar og þurrkaða basiliku útí mæjónesblönduna.
Cla,  omega3+D-vit, multivit

Klukkan 1745
2 salami sneiðar

Klukkan 2000
Afgangurinn af Parmesan ýsunni síðan í gær +20 gr kókosolía stöppuð saman við og 1 vorlaukur ofan á.
Smá plokkfisks fílingur í þessu :)

Smelltu fyrir uppskrift

Klukkan 2230
1 heimagerður súkkulaðimoli.

Þetta skröltir áfram :)  Mér finnst samt pínu að þessi óreglulegi svefn minn í vaktatörn sé að vinna gegn mér.  Og það er ekkert skrítið, líkaminn þarf að ná almennilegri hvíld og ég næ því ekki í 5 daga á 5 daga fresti (vinn 5 daga, frí 5)   En það þýðir ekkert að gefast upp :)

Ætli það sé eðlilegt að dreyma um þetta líka ?  Dreymdi í nótt að það var verið
að fara yfir daginn hjá einum manni (sem ég veit ekkert hver er) og hann var alltof hár í kolvetnum eftir daginn.  Hann hafði skráð hjá sér alla neyslu, og allt næringarinnihald fylgdi með.
Hann hafði sett slátur í hádeginu og ég gargaði á hann að þetta væri alltof hátt,
65 gr af kolvetnum fyrir SLÁTUR !!
Eiginmaðurinn horfði skringilega á mig þegar ég fór að röfla um hátt slátur þegar ég var að vakna hahahaha :)

Í dag var ég á fyrri dagvakt (kl 8-16)

Klukkan 0030 (fyrir svefn)
Magnescium+calcium

Svefn frá kl 0045-0645

Milli klukkan 0700-1000
2 kaffibollar, 1 með smá rjóma, hinn með kaffirjóma.
½ líter vatn, 1 tsk MCT olía

Klukkan 1040
½ lítil dós vanillu skyr.is með smá rjóma

Klukkan 1245
Reyktur lax (uþb 170g), hálfur lítill haus af hnúðkáli og smá paprika.  Sprautaði smá bernaise yfir (sósan kom vel út með laxinum)
CLA, omega3+D-vit, multivit
Ég notaði lax frá Ópal Sjávarfangi, þeir nota ekki sykur í reykinguna.

Klukkan 1500
½ kjarnhreinsuð gúrka með laxa- og rækjusalati frá Sóma,
½ líter af rassberja mineral útí bláan kristal

Smella fyrir uppskrift

Klukkan 1900
Parmesan ýsa, með smjörsteiktum hnúðkálsstrimlum og soðnu brokkólí.
(Rosalega góður réttur)

Klukkan 2130
Þeyttur rjómi með Walden Farms karamellu sírópi.
Þetta er alveg eins og ég man eftir búðing í gamla daga :)

Held ég hafi ekki náð 1½ líter af vatni í dag

….og hleðslan nálgast eins og óð fluga !
I spoke to soon í gær þegar ég sagðist ekki fá hausverk eins og eiginmaðurinn……ég vaknaði með einn hressilegan !  En held að það sé frekar af svefnleysi en af breytingu á mataræði.  Ég fór líka út í þetta bloggdæmi til að halda utan um reynsluna af þessu, bæði fyrir mig og kannski ef það gæti komið öðrum af stað eða verið stuðningur fyrir aðra.  Þess vegna verð ég að setja allt hérna, líka það sem mér finnst ekki svo spennandi lesning fyrir
ykkur ;)  Í gær og í fyrradag var ég með óþægindi í maganum, ekki illt en svona pílur, og…….ja ég ég skal bara orða það svo að ég þorði ekki að prumpa öðruvísi en á klósettinu !  Ég var ekki viss hvort þetta væri einhvað útaf breyttu mataræði (viðbrögð kerfisins við aukinni fitu osfrv) eða hvort ég væri hreinlega að fá einhverja pest.  Þannig að ég spurði Sibbu og hún ráðlagði mér að minnka MCT olíuna (tók 1 msk en minnka í 1 tsk) og magnecium-ið (skammturinn var 3 töflur en ég minnka í 1)  Þannig að…..ef þið upplifið eitthvað álíka, farið þá rólegar í inntöku svona, ef þið takið það á annað borð.  Þetta gæti líka hreinlega verið útaf kaffinu sem ég hef ekki drukkið fram að þessu.  Eiginmaðurinn er ekki að finna fyrir svona, en hann er líka svelgur á kaffi og er ekki að taka magnecium eða MCT.

Eníweys……..talandi um brainfart !  Ég var að fá mér kaffi í morgun, svo horfi ég á bununa úr vélinni (Senseo) og var eins og í slow motion mynd að kveikja á því að ég gleymdi að setja bollann undir til að taka við kaffinu !!!  Þannig að…..gleymin og slow í dag ;)
Það er allt í góðu, ég er ljóshærð og get eflaust komist upp með það ;)

Ég verð líka að koma því að ég var hrikalega dugleg í dag að eigin mati.  Í vinnunni minni er slökkvilið og ég telst til þess og í dag var æfing.  Eftir æfinguna var kaffi og meððí í mötuneytinu, alls konar brauð, svínarúllupylsa, ostur, gúrka og tómatar, og hjónabandssæla !  Ég er ekki svakaleg kökukelling en hjónabandssæla með ískaldri mjólk er æði.  En duglega ég rúllaði upp osti með rúllupylsu og gúrku !

Svona var dagurinn:

Klukkan 0030 (fyrir svefn)
1 magncium+calsium

Svefn frá kl 0045-0700

Klukkan 0730
½ líter af vatni, kaffibolli með 1 tsk MCT olíu.

Klukkan 1000
Kotasæluhusklummur, með osti og spægipylsu, og slummu af Hlöllasósu.
½ líter af vatni.

Klukkan 1200 (fyrir slökkviliðsæfingu)
1 eggjamúffa (í henni var skinka og vorlaukur), beikon og 700 ml vatn.
CLA, omega3+D-vit, multivit

Klukkan 1530 (eftir slökkviliðsæfingu)
3 svínarúllupylsur, 4 ostsneiðar, 2 tómatsneiðar og nokkrar gúrkusneiðar.
½ kaffibolli (þetta var ekki gott kaffi)

 Klukkan 2020 (kvöldvakt)
Pörusteik með salati og bernaise, 800 ml vatn.

Einhvers staðar þarna inná milli drakk ég 2 kaffibolla með kaffirjóma.

Þetta líður, hreinsunin hálfnuð :)  Þetta er ekkert mál, skil ekki af hverju ég var ekki löngu búin að taka þetta upp :)  Eiginmanninum gengur líka vel, hann er leigubílsstjóri og er rosalega duglegur að taka með sér nesti og sendir sms í tíma og ótíma til að ath hvort þetta eða hitt sé í lagi :)  Þannig að hann er að gefa sig í þetta líka :)
Hann hefur verið að díla við hausverki þannig að ég sagði honum að prófa að auka vatnið og fá sér einn sterkan kaffi og sjá hvað það myndi gera.  Ég er að upplifa pínu
brainfart…..ætla að gera eitthvað/sækja eitthvað, sný mér við og man ekki baun.  Engir hausverkir hjá mér samt :)  En þetta er víst eðlilegt, þegar líkaminn er að upplifa breytingu á orkuforða þá getur fólk upplifað svona alls konar……lightheaded, gleyminn, hausverk….þetta gengur yfir :)

Ég var á hoppi í vinnunni í dag (næturvakt og svo kvöldvakt 8 tímum seinna) þannig að svefninn er allur úr lagi.

Þetta fór ofan í mig:

Klukkan 0030 (Næturvakt)
Kaffi með kaffirjóma

Klukkan 0200 (Næturvakt)
Kindakæfubiti, 3 spægipylsusneiðar rúllaðar upp í ost, kaffi með kaffirjóma

Klukkan 0730 (rétt í lok næturvaktar)
Nectar prótein með jarðarberja og kiwi bragði…..
Ekki eins hrifin af því og því sem ég hef smakkað.

Klukkan 0830
Gat ekki neitað eiginmanninum um að smakka á morgunmatnum sem hann brasaði handa mér þegar ég kom heim af næturvakt…..borðaði beikonið og ¼ af ommilettunni (var með ½ á diskinum)
Magnesium+calcium

Svaf frá 0915-1330

Klukkan 1430
Kaffi með MCT olíu

 Klukkan 1730 (kvöldvakt)
½ gúrka með laxa og ræjusalati frá Sóma.
Ætlaði að fá mér kaffi en kaffivélin í vinnunni er biluð :(
Ætlaði heldur ekki að láta líða 4 tíma í „föstunni“….hafði ekki tíma fyrr til að borða.

Klukkan 2030 (kvöldvakt)
Kjötafgangur af lærinu síðan í gær, hráir hnúðkálsstrimlar, smá paprika og bernaise yfir.
CLA, omega3+D-vít, multivit
Kaffibolli með kaffirjóma (já ég lagaði sko kaffivélina !)

Klukkan 2230 (kvöldvakt)
Kindakæfubiti, 1 harðsoðið egg

Drakk ½ líter af blönduðum mineral drykk og um 2 lítra af vatni.